's werd langsam Herbscht, die Blätter falle,
die Dag schun werre aach jetz korz.
De Mensch uff seinem Erdenwalle
denkt: Kohle, daß gibt Kassestorz!

Verschwunn sinn ball die letschte Bliete,
de Newwel steiht, de Newwel fällt,
leehrt gere schwer sich uff's Gemiete,
was iss so buckelig die Welt.

Dass iss die Zeit, wo mir aastimme,
verschnuppt, vekält, frooht nor nit wie
unn wiedig drum, voll hartem Grimme,
dass Klagelied - die Elegie!